Virat Kohli Ends Puma Deal : ३०० कोटींची डील नाकारली, आता स्वतःचा ब्रँड ! विराट कोहली होतोय उद्योजक

 

( Virat Kohli Ends Puma Deal ) भारतीय क्रिकेट संघाचा माजी कर्णधार विराट कोहलीने जर्मन स्पोर्ट्स ब्रँड पुमा सोबतचा आठ वर्षांचा जुना करार संपवला आहे. कोहलीने 2017 मध्ये पुमा सोबत सुमारे 110 कोटी रुपयांचा करार केला होता. पुमाने 300 कोटी रुपयांमध्ये पुढील आठ वर्षांसाठी हा करार वाढवण्याचा प्रस्ताव ठेवला होता. याचा अर्थ कंपनी किंग कोहलीला ( Virat Kohli Ends Puma Deal ) दरवर्षी 37 कोटी रुपयांपेक्षा जास्त, महिन्याला 3 कोटी रुपये आणि दररोज 10 लाख रुपये देण्यास तयार होती.

 

 

पण, कोहलीने पुमाचा ब्रँड अ‍ॅम्बेसेडर होण्यास नकार ( Virat Kohli Ends Puma Deal ) दिला. कोहली आता अ‍ॅजिलिटास नावाच्या स्पोर्ट्सवेअर कंपनीशी गुंतवणूकदार म्हणून संबंधित आहे. या कंपनीची स्थापना 2023 मध्ये पुमा इंडिया आग्नेय आशियाचे माजी व्यवस्थापकीय संचालक अभिषेक गांगुली यांनी केली होती. विराट कोहली सर्वाधिक कमाई करणाऱ्या खेळाडूंमध्ये आहे आणि त्याची एकूण संपत्ती 1050 कोटी रुपये आहे. पुमा इंडियाने एका निवेदनात म्हटले आहे की, "पुमा विराटला त्याच्या भविष्यातील प्रयत्नांसाठी शुभेच्छा देते. पुमा भविष्यात नवीन खेळाडूंमध्ये गुंतवणूक करत राहील आणि भारतातील क्रीडा इकोसिस्टीम मजबूत करण्यासाठी काम करत राहील."

 

 

आता कोहली त्याचा ब्रँड one8 चा आंतरराष्ट्रीय स्तरावर विस्तार करणार आहे. अ‍ॅजिलिटाससोबतच्या भागीदारीद्वारे, कोहलीचे ध्येय one8 ला जागतिक ब्रँड म्हणून स्थापित करण्याचे आहे. विराट कोहली हा भारतातील एक लोकप्रिय ब्रँड अ‍ॅम्बेसेडर आहे आणि तो अनेक वेगवेगळ्या कंपन्यांशी संबंधित आहे.