Solapur News : "बंद दारामागे चिमुकलीचा आक्रोश... समोर होते दोन मृतदेह !"

 

सोलापूर : ( Solapur News )  गेल्या काही दिवसांपासून युवराज सतत पत्नीला चिडचिड करत होता, व्यवस्थित बोलत नव्हता. त्याला कोणता तरी मोठा ताण होता, त्यातूनच त्याने स्वत: टोकाचं पाऊल उचलत पत्नीचीही हत्या केली. पतीने आपल्या साडेचार महिन्याच्या चिमुकलीसमोरच पत्नीचा गळा दाबून खून केला. त्यानंतर स्वतःलाही संपवलं. या घटनेने ( Solapur News ) परिसरात खळबळ उडाली आहे.

 

 

गुरुवारी 3 एप्रिल रोजी सायंकाळी पाच वाजण्याच्या सुमारास ही घटना उघडकीस आली. यावेळी पोलिसांना महिला मृत अवस्थेत, तर पती गळफास घेतलेल्या अवस्थेत आढळला. यावरुनच पत्नीचा खून करून पतीने आत्महत्या केली असावी असा संशय पोलिसांकडून व्यक्त करण्यात आला आहे. करमाळा तालुक्यातील कोर्टी येथे पतीने पत्नीचा गळा दाबून तिची हत्या केली. त्यानंतर त्याने स्वतःही गळफास घेऊन आत्महत्या केल्याची धक्कादायक घटना ( Solapur News ) घडली आहे. युवराज लक्ष्मण शेरे (31) आणि रुपाली युवराज शेरे (25) अशी मृत पती-पत्नीची नावे आहेत.

 

 

पती-पत्नीच्या मृत्यूबाबत करमाळा पोलीस स्टेशनला अकस्मित मृत्यूची नोंद करण्यात आली आहे. मृत मुलाच्या वडिलांकडून तक्रार दिल्यावर गुन्हा दाखल करण्यात आला आहे. सदरच्या घटनेबाबत कोणालाच काहीही कल्पना नसून नेमकं कारण पोलीस शोधत आहेत. दोघांवर कोर्टी येथे एकाच चितेवर अंत्यसंस्कार करण्यात आले. ( Solapur News ) करमाळा पोलीस या प्रकरणी तत्परतेने तपास करीत आहेत. मृत युवराज शेरे हा पत्नी, आई, वडील, भाऊ, भावजय लहान मुलीसह कोर्टी येथील हुलगेवाडी रस्त्यावरील शेरे वस्ती येथे राहत होता. गुरुवारी 3 एप्रिल रोजी युवराज शेरे आणि त्यांची पत्नी रुपाली दोघे घरी एकटेच होते. घरात कोणीही नसल्याने युवराजने पत्नी रुपालीचा गळा दाबून खून केला. त्यानंतर आपल्या हातून होत्याचं नव्हतं झालं, याच्या पश्चातापातून युवराजने देखील घरातील अँगलला गळफास घेऊन आत्महत्या ( Solapur News ) केली असावी, असा पोलिसांचा अंदाज आहे.

 

गुरुवारी साडेपाच - सहाच्या सुमारास कामानिमित्त बाहेर गेलेले कुटुंबातील इतर लोक घरी परत आले. चिमुकली बंद घरात रडत होती. त्यावेळी युवराजच्या वडिलांनी दरवाजा तोडून आत प्रवेश केला. तेव्हा सून रुपाली निपचित पडली होती आणि युवराज लोखंडी अँगलला लटकत असल्याचे चित्र दिसले.