Trillion Dollar Maharashtra ट्रिलियन डॉलर्सची वाटचाल ! मुख्यमंत्री फडणवीस यांनी मांडला महाराष्ट्राच्या प्रगतीचा रोडमॅप

 

मुंबई : Trillion Dollar Maharashtra भारतीय उद्योग महासंघ (सीआयआय) यंग इंडियन्सच्या नाशिक शाखेने आयोजित केलेल्या पश्चिम विभागीय परिषद संवाद सत्रात मुख्यमंत्री देवेंद्र फडणवीस यांनी रविवारी महाराष्ट्राच्या विकासाचा आराखडा Trillion Dollar Maharashtra सादर केला. ते म्हणाले, भारताची अर्थव्यवस्था 5 ट्रिलियन डॉलर्सकडे वाटचाल करत आहे. यात महाराष्ट्राची भूमिका महत्त्वाची असेल. 2029 पर्यंत राज्याची अर्थव्यवस्था 1 ट्रिलियन डॉलर्सपर्यंत Trillion Dollar Maharashtra नेण्यासाठी आम्ही एक रोडमॅप तयार केला आहे़. महाराष्ट्राची विकास प्रक्रिया केवळ एकाच क्षेत्रापुरती मर्यादित न ठेवता संपूर्ण राज्याच्या सर्वांगीण विकासाला प्राधान्य देण्यात येत आहे. आर्थिक विकासासाठी वाहतूक आणि पायाभूत सुविधांचा विकासही महत्त्वाचा आहे. समृद्धी महामार्ग हे या दिशेने एक महत्त्वाचे पाऊल Trillion Dollar Maharashtra आहे. आता शक्तीपीठ महामार्गही विकसित केला जात आहे, असेही सांगत त्यांनी नाशिकच्या विकासाला गती देण्याचा संकल्प व्यक्त केला.

 

  

सीआयआय यंग इंडियन्स नाशिक शाखेची तीन दिवसीय बैठकीचा समारोप रविवारी मुख्यमंत्री फडणवीस यांच्या संवादाने झाला. यावेळी मुख्यमंत्री फडणवीस यांनी विविध मुद्द्यांवर आपले विचार स्पष्टपणे मांडत राज्याच्या विकासाची दिशा Trillion Dollar Maharashtra स्पष्ट केली. प्रभावी प्रशासन आणि निर्णयांच्या प्रभावी अंमलबजावणीमुळे विकासकामांना गती मिळत असल्याचे सांगत ते पुढे म्हणाले, महाराष्ट्रात गुंतवणुकीसाठी अनुकूल वातावरण आहे. देशातील जास्तीत जास्त गुंतवणूक महाराष्ट्रात येत आहे. देशात औद्योगिक आणि आर्थिक विकासासाठी स्पर्धा वाढत आहे. 10-12 राज्ये उद्योग आणि आर्थिक विकासात चांगली कामगिरी करत आहेत. औद्योगिक गुंतवणुकीच्या तीन तिमाही अहवालांमध्ये महाराष्ट्र सातत्याने अव्वल स्थानावर आहे.

 

देशातील सर्वाधिक परकीय थेट गुंतवणूक (FDI) महाराष्ट्रात होत आहे. ही गुंतवणूक केवळ महानगरांपुरती मर्यादित न राहता संपूर्ण राज्यात व्हावी, यासाठी सरकार प्रयत्नशील आहे. त्यामुळे मुंबई आणि पुण्यासह छत्रपती संभाजीनगर, नागपूर आणि गडचिरोलीसारख्या जिल्ह्यांमध्येही गुंतवणूक केली जात आहे. इतर राज्यांमध्ये राबविण्यात येणाऱ्या चांगल्या योजनाही महाराष्ट्रात स्वीकारल्या जात आहेत. राज्यात शाश्वत विकासाला प्राधान्य दिले जात आहे, असेही त्यांनी सांगितले.

 

मुख्यमंत्री पुढे म्हणाले, महाराष्ट्रात माहिती तंत्रज्ञान (आयटी) क्षेत्रात क्रांती झाली आहे. वाहतूक आणि दळणवळण सुविधांच्या विकासाचा नाशिकला मोठा फायदा होईल. कृत्रिम बुद्धिमत्ता (एआय) तंत्रज्ञानाचा अधिक प्रभावी वापर करण्याकडेही लक्ष दिले जात आहे. गुगलच्या भागीदारीत एक सेंटर ऑफ एक्सलन्स स्थापन केले जात आहे. कृषी आणि कायदेशीर क्षेत्रात एआय तंत्रज्ञानाचा वापर नवीन रोजगार आणि उद्योजकतेच्या संधी निर्माण करत आहे. नवीन तंत्रज्ञानाचा अवलंब करून नवीन शैक्षणिक अभ्यासक्रम विकसित केले जात आहेत. रतन टाटा स्किल युनिव्हर्सिटीने या संदर्भात 10,000 महिलांना प्रशिक्षण दिले आहे. ग्रामीण उद्योजकांना अधिक संधी उपलब्ध करून देण्यासाठी सरकार वचनबद्ध आहे.

 

मुख्यमंत्री फडणवीस पुढे म्हणाले, नाशिकमध्ये औद्योगिक विकासाच्या प्रचंड शक्यता आहेत. येथील मानवी संसाधन क्षमता आणि हवामान लक्षात घेता पर्यटन आणि औद्योगिक विकासासाठी मोठी संधी आहे. एचएएल (हिंदुस्तान एरोनॉटिक्स लिमिटेड) मुळे येथे एक संरक्षण परिसंस्था आहे. मुंबईचे औद्योगिक फायदे पुणे आणि छत्रपती संभाजीनगर (औरंगाबाद) यांना झाले. आता समृद्धी महामार्गामुळे नाशिकचा विकास झपाट्याने होईल. देशातील सर्वात मोठे बंदर वाढवणमध्ये बांधले जात आहे. नाशिक ते तिथपर्यंत ग्रीनफिल्ड रस्ता बांधला जाईल, असा दावाही त्यांनी केला.